麻辣風雲 (京都廣場)

营业中

休息中

净系𠮶店名已经够气势，原来食物同摆盘一样有气势，怪不得当日全店满座。📌酸菜鱼一上枱已经被𠮶极大嘅汤碗吸引到，估计份量应该好丰富。酸菜鱼可以拣大、中、小辣，小编就拣咗小辣，其实食落都几辣，不过麻味会多一啲，而酸度亦刚好，用料亦非常丰富，有泡菜、酸菜、牙菜、寛面、姜等等。主角鱼肉爽滑鲜嫩，完全冇鱼骨可以大大旧放心食，好满足。📌炸馒头炸馒头嘅气势更利害更有气派，系用木船盛载，木船有气孔啲气会从气孔放出，其系好似开船。讲返炸馒头本身，小编好耐冇食过，有一点怀念，这里馒头皮呈黄金色，非常脆，内面就松软，整体唔觉得好油腻，六件份量适中，赞。📌蟹皇扒豆苗（季节限量）小编仲叫咗碟季节限量，系蟹皇扒豆苗。秋天食蟹就最啱，蟹肉蟹膏都非常鲜味香浓，配上清新嘅豆苗，绝对冇叫错。📌菊花蜜他们仲有自家制菊花蜜，味道清香，小编觉得系必试。