和吧 (已結業)

去完朋友屋企hea，是但去左間吧，諗唔到又幾有驚喜，裝修方面型格為主，氣氛幾好！椒鹽粟米 $58第一次食比想像好食好多，粟米甜，椒鹽味重！份量唔少，有10幾件，呢個一定要食！吉列炸蠔 $58蠔炸得夠透，成件都脆口，落左少少燒汁幾好味，上面仲有啲木魚絲，提升層次。水無月•荔 $68朋友仔話鍾意荔枝，所以試吓呢杯。飲落去荔枝味散發出來，之後就濃濃酒香。上面仲有啲桂花，酒味同花味融合😊呢杯酒味重啲影法師•桃 $68因為唔想飲咁重酒，叫職員推介🙈佢推介呢杯岩曬我，飲落去比較甜容易入口，酒味唔重。同時間桃味重，入面仲有啲桃肉，一路飲會食到啲果肉，幾好飲