K2 Kitchen (已結業)

經開觀塘，係朋友介紹下，嚟到呢一間食西班牙菜嘅餐廳，一試難忘。餐廳係喺觀塘工廈入邊，雖然地方有啲偏僻，但係上到黎之後見到裝修都非常有格調，而且有唔少人係飲緊紅白酒。睇完餐牌同朋友一人叫咗一個set再加錢轉咗一啲甜品。入正題嘢食非常好食，菜式非常有特色。我都係第一次知道原來西班牙菜有有咁多頭盤。第一道菜係辣風腸沙律，上邊仲有啲特色分子奶泡，甜甜酸酸幾開胃。然後就係芝士焗蠔，好好食，仲有手掌咁大隻！再嚟係焗青口，大大隻都幾新鮮。食完三道菜都覺得飽飽地跟住佢就上咗個湯，係呢個時候先知原來頭先嗰啲全部都係頭盤！終於嚟到主菜係海鮮焗墨魚汁飯。海鮮大件夾新鮮，包括有帶子、蝦、魷魚等等..飽到想嘔食飽之後抖左陣，就上甜品，係雲石蛋糕同埋心型嘅心太軟。好好食！旁邊伴碟畫出來的花都好靚！誠意推薦。