影片
更多
2020-06-14
26 浏览
南豐紗廠入面基本上好多店舖都好有格調，雖然地方唔大，但都行得幾舒服。餐廳都一樣，基本上間間都幾吸引，今日想食burger所以就揀依間！估唔到都有成十款burger 揀！仲有得加錢轉套餐配埋小食同野飲。試左佢個招牌漢堡（$88）加薯寶同汽水（$25）招牌漢堡裏面其實有牛肉、芝士、酸瓜同自家醬汁。首先個麵包係查完牛油再烘過，幾正！牛肉就幾多汁同鬆軟配埋芝士同自家醬汁，味道唔算話好特別但係就係預期想食到嘅好食burger！薯寶都好正熱辣辣又香脆，真係忍唔住食完一粒又一粒。另外仲叫咗個炸雞漢堡（$88）加拉絲芝士條同汽水（$35）！本身朋友叫呢個果陣覺得burger同炸雞一齊食好似有啲奇怪，但試左佢依個之後忍唔住話不如share 食，哈哈！因為個炸雞炸完之後都仲係好嫩滑，同已經調好味，再加上佢個沙律醬好好味，配埋生菜一齊食係意想不到地好食！至於個芝士條凍左會有啲硬，但趁熱食好正，芝士迷可以一試！雖然呢間漢堡唔算特別平，但真係值得試！下次會試埋其他口味！
估唔到都有成十款burger 揀！仲有得加錢轉套餐配埋小食同野飲。
試左佢個招牌漢堡（$88）加薯寶同汽水（$25）
招牌漢堡裏面其實有牛肉、芝士、酸瓜同自家醬汁。首先個麵包係查完牛油再烘過，幾正！牛肉就幾多汁同鬆軟配埋芝士同自家醬汁，味道唔算話好特別但係就係預期想食到嘅好食burger！薯寶都好正熱辣辣又香脆，真係忍唔住食完一粒又一粒。
另外仲叫咗個炸雞漢堡（$88）加拉絲芝士條同汽水（$35）！
本身朋友叫呢個果陣覺得burger同炸雞一齊食好似有啲奇怪，但試左佢依個之後忍唔住話不如share 食，哈哈！因為個炸雞炸完之後都仲係好嫩滑，同已經調好味，再加上佢個沙律醬好好味，配埋生菜一齊食係意想不到地好食！至於個芝士條凍左會有啲硬，但趁熱食好正，芝士迷可以一試！
雖然呢間漢堡唔算特別平，但真係值得試！
下次會試埋其他口味！
张贴
