荳子 (新城市中央廣場)

之前黎過食下午茶同晚餐，覺得食物都唔錯。今次又黎食晚餐，可能時間尚早，唔使排隊就有位。
以為晚餐餐牌都係同之前一樣，點知有新菜式，即刻試下先。
點左黃金蟹肉意粉同Risotto紫薯燒雞。兩個既賣相都吸引，黃金意粉有成隻蟹殼伴碟，意粉唔會太腍，蟹肉份量都唔少。Risotto紫薯燒雞既顏色好靚，Risotto沾滿紫薯顏色，食落去有淡淡既甜味，Risotto唔係好硬身，紫薯配Risotto又幾得意，有驚喜。
晚餐加$25叫左件Spicy Melon蛋糕，不過我就覺得蛋糕外層太漏，麻麻地。