泰象館

营业中

休息中

其实九龙城有咁多间泰国餐厅，真系有排试。有几间我食左都好多次，最近同朋友开始会试下啲未去过嘅泰国餐厅揾惊喜。 今次就食呢间～呢个咖喱软壳蟹个卖相好靓。刮空左个南瓜，放左咖喱喺入面，咖喱入面有南瓜肉。个咖喱几香又唔会太辣。 虾刺身个特制酱汁好惹味，有啲青柠汁，酸酸辣辣咁。 生虾都好新鲜。个炒饭会有少少辣。唔食辣既可能要夹走辣椒。其实我食泰国野好少食鸡，今次试下点鸡肉，原来鸡肉同香菜一齐炒都几香。 不过应该都系猪肉同泰式香料夹啲～最后仲送左椰汁糕做甜品～ 都几好味呀～食辣野紧系要饮冻饮啦！叫左一个椰汁冰同一个青柠沙冰。椰汁冰就解辣啦。怕辣又要食既人一定饮椰汁。青柠沙冰好有青柠味，酸酸咁我最爱。