Ruby Tuesday (已結業)

星五既lunch係打工仔不可忽視既一環，呢日痴住有ruby tue會員既同事話要黎食，成功得逞！一睇就知非常濃同非常肥既忌廉湯...真係好似啖啖奶同忌廉咁，溫度適中，唔會太凍或太熱辣親咀，如自行加D pepper會香D。 伴碟既餐包係迷你既芝士包，出奇地好香芝士味，雖偏乾身但配湯一齊食岩岩好！食完細細粒唔夠喉， 有得refill就好啦....﹣雞排linguine，無留意呢個亦係白汁，同湯有D重覆。不過雞排嫩滑，燒汁味好濃，似日式燒雞排咁好入味，雞皮都無乜油，配上面頭既芝蔴，食落更香～意粉就一般般，白汁太’杰‘，雞排已經濃味意粉既汁應該light D先balance。 set lunch可以另配自選side dish，我揀左至愛大啡菇（無影相），就咁用鹽同胡椒既簡單調味焗出黎卻十分juicy，充滿菇菇既香氣～～雖然side dish無discount亦都盛惠＄20大元一件，但堅好味，咩都無所謂啦