愛家，愛便當 (已結業)

觀塘東廣場係美食天堂。依間主打素食便當嘅小店十分用心，極為推介。老闆娘好有創意，一星期每日嘅便當款式不同，十分有心思。另外便當款式精緻，營養豐富之餘，配搭色彩繽紛嘅素食，是一大賣點。其實素食可以健康，吸引同好味。我要推介嘅係紫薯雪糕，出面嘅紫薯係食到人好有飽腹感，而佢哋嘅紫薯當中加入蘋果粒粒調味，增加口感同層次感，而唔似出面嘅做法只係得個甜字。唔好以為食完唔夠飽，其實便當好足料，當中食到嘅係唔同嘅食材。可見老闆娘對烹飪嘅熱誠同心機。十分欣賞老闆娘對食物嘅鐘情，創新同用心，香港需要有質素嘅本土小店，而唔係什麼地區國家來嘅加盟店、大集團，要保留本土特色，香港要有自己嘅一套文化同質素，經過一定會再支持。