更多
2020-12-17
366 浏览
放工交收完行经过顺便揾食，呢间舖喺工厦地下，无大招牌，真系要探一探头望先见到。舖仔细细，20个座位，装修白色主调配以暗灯，播埋轻音乐，环境舒服。因为细场地嘅关系，只能轻声谈话，大声讲就会好嘈。侍应热情招待，亦细心讲解点餐，似乎系一家人去营运间店，两三个人包办落单、执枱、送餐，唔好期待集团式嘅服务。无一人套餐，只能单点叫。单点披萨只提供12吋大，幻想唔到一个人点食。店姨姨贴心介绍可以两款味混合一个批，就点咗夏威夷风情同红魔鬼，忍唔住口点多一客水牛城鸡翼。即叫即整嘅关系所以等咗十分钟左右先上鸡翼。一客8只，几个人分食适合啲。端到上枱，有阵香香地炸物味，色泽还好，希望摆盘落多少少功夫。每只鸡翼都焗炸到深金黄色，配埋个水牛城酱，咬落去第一啖系脆炸口感，再咬嫩嫩鸡肉，尚有保存肉汁，水牛城汁酱系偏酸带轻微辣及甜，辣味又唔会盖过晒，只系小小哋开胃感，似辣椒仔酱𠮶种。另一啖点埋跟盘嘅沙律酱，又唔同风味，个酸酸感觉又再醒神咗！不过要留肚食披萨，否则会食半碟。隔多十分钟左右，送上期待嘅双并披萨！望到个12吋批，真系呆一呆，但食指已经按挎不住，芝士味十分香。先试咗夏威夷风情，批底好薄，厚度似厚切薯片左右，上
无一人套餐，只能单点叫。单点披萨只提供12吋大，幻想唔到一个人点食。店姨姨贴心介绍可以两款味混合一个批，就点咗夏威夷风情同红魔鬼，忍唔住口点多一客水牛城鸡翼。
即叫即整嘅关系所以等咗十分钟左右先上鸡翼。一客8只，几个人分食适合啲。端到上枱，有阵香香地炸物味，色泽还好，希望摆盘落多少少功夫。每只鸡翼都焗炸到深金黄色，配埋个水牛城酱，咬落去第一啖系脆炸口感，再咬嫩嫩鸡肉，尚有保存肉汁，水牛城汁酱系偏酸带轻微辣及甜，辣味又唔会盖过晒，只系小小哋开胃感，似辣椒仔酱𠮶种。另一啖点埋跟盘嘅沙律酱，又唔同风味，个酸酸感觉又再醒神咗！不过要留肚食披萨，否则会食半碟。
隔多十分钟左右，送上期待嘅双并披萨！望到个12吋批，真系呆一呆，但食指已经按挎不住，芝士味十分香。先试咗夏威夷风情，批底好薄，厚度似厚切薯片左右，上手暖暖的。咬落去，批底系脆、有咬劲，唔系一团腍糍糍面粉，加埋茄酱、流流哋芝士同酸甜菠萝，好食！咬完一啖又一啖，既有菠萝又有火腿及甜椒，足料无呃人。咬到批边，本身仲犹豫食唔食好，怕太干身又太饱，忍唔住咬埋去，发觉个面仲系脆，口感有啲似英式松饼嘅烟韧。唔知师父用咗几多种面粉同时间发酵？
食完一只味试埋另一只红魔鬼，见到有辣椒，好惊会喷火式嘅辣度。焗到半脆口嘅辣肉肠配埋茄酱、芝士，未入口口水流。一咬三重口感，既有小小过口瘾辣味，又有茄酱嘅酸甜味，后劲嘅奶香暖绵芝士，赞啊！
一个人点食都食唔到一个12吋批，所以惟有打包返屋企。除咗提供餐盒，店员超级好提示翻热食唔使翻入焗炉，避免太干身，著我用煎Pam 烘一烘翻热就可以啦。希望下次可以再试其他美食呢。
整体嚟讲，呢个价钱有呢个喜出望外嘅味道，相对返个份量系超值嘅！雀仔胃嘅女仔，同雀仔胃姐妹嚟，一个批加小食应该够；如果同正常食量朋友，就可能搭多个饭/粉。
张贴
