等一隻貓咖啡 (已結業)

未試過去貓貓cafe，早幾日約左，就上黎坐下。呢度大部分貓貓都係流浪貓，除左兩隻英短，家貓大部分都係6個月大。呢度仲有書有漫畫睇。本身以為貓cafe 主力係同貓貓玩，但原來食物都唔差喎！芒果千層蛋糕，每層皮都好薄，蛋糕雪凍左食落挺身，中間夾著芒果肉，好味！泡沫咖啡蛋糕，濃濃既咖啡味，上層係厚厚既Mousse, 最底係朱古力曲奇餅底，一啖食到幾個層次。Oreo脆脆朱古力上面舖滿朱古力餅碎，飲落好有朱古力味，唔會過甜。蜂蜜柚子抹香綠茶，好有清新茶香，柚子酸酸甜甜，好味味！