福岡漢堡扒 (鴻威大廈)

之前去尖沙嘴嗰間長期都好多人排隊，好難試到，最近見旺角新開張，人龍少好多就試下。

有得自製漢堡扒，睇落好簡單，原來都有啲技巧😂

技巧係最好切開4-6份，細細件煎同埋反得密啲避免煎燶，煎第一塊係最難，唔好壓咁大力，1-2秒就反下，之後開始多油就好易煎。

二人套餐好豐富，多到3個人share都夠，兩隻唔同味和牛漢堡扒分別唔算好大，菠蘿煙肉就fresh啲；芝士蛋蒜就惹味啲。

芝士蛋蒜和牛漢堡扒

菠蘿煙肉和牛漢堡扒

個飯多到食極都食唔曬，泡菜唔係好辣，豚肉唔會太肥，份量好多，米係珍珠米

芝士泡豚丼

低估左啲份量，仲追加左份薯條，又係超級多！！食極都食唔曬，黑松露醬好好味，creamy香濃黑松露味。