杜老誌大飯店 (已結業)

朋友就嚟離開香港移民外地，趁佢走之前帶佢回味下港式烚吓烚吓，火鍋店設計都幾特別，好多打卡位，似舊式香港，霓紅燈，性感女郎廣告😝頂級安格斯牛頸脊，靚牛肉油脂分布平均，食落算重口味，油香好重竹笙釀墨魚 ，$98，呢個比較特別，好似喺出邊未食過，竹笙本身好爽口，入邊仲放咗啲墨魚膠，彈牙，兩隻口感擺埋一齊，新嘗試幾好食，特別鍾意竹笙朔晒啲湯汁。海中蝦滑 82，呢個就比較普通，正常蝦滑陪蟹子，相比下叫竹笙釀墨魚會好食啲。沙嗲豬頸肉 ，$60，呢個超級抵食一定要叫，分量勁多，我諗有20幾條豬頸肉😂沙嗲味好重，豬頸肉又好爽口，冇諗過豬頸肉仲可以做到沙嗲味咁重。新鮮鴨血，$62 ，正正常常不過不失可能叫麻辣鍋會好啲。