南方 (已結業)

其實食車仔麵最緊要係:快、靚、正吖嘛！淨睇門面以為喺食台灣麵！再望吓餐牌原來係食車仔麵！好！一於入去試一試佢。點知都有啲失望首先無人招呼，亦無清楚指示係要先出去收銀俾錢入單(祇喺貼咗張同張枱差不多一樣顏色嘅指示牌)，最奇怪喺收銀係背住你入單！又慢，點攪架！(我食嘅時間已經喺非繁忙時間，真係多啲人幫襯肯定條龍排到出街)入完單又要等………………唉！未試過食車仔麵要等咁耐10分鐘先有得食！咁做生意點快趣返枱呀！車仔面啲餸好多都準備好晒架啦！我都唔揀擇喇叫咗米粉、白蘿蔔、牛腩(菜牌自稱話好味喎)、炭燒豬頸肉(原本係叫豬軟骨，呀姐入錯單)再另加貢丸同珍珠奶茶！唉………白蘿蔔無味，牛腩得3粒仔無特別！炭燒豬頸肉一般！湯底同名一樣清湯囉！至於杯珍珠奶茶都唔使講喇其實俾多啲心機喺食物出品到，好過淨係喺門面度啦！坊間有好多好食嘅車仔麵舖都無乜裝修食物都好味呀！