臺月

营业中

休息中

平時係屋企附近嘅餐廳食到有啲厭，咁岩行過見到呢間新開嘅台灣菜就決定試一試！黑糖珍珠奶茶黑糖味太少，基本上係飲唔到有黑糖味，令我都有少少懷疑係咪黑糖珍珠奶茶。另外奶味太重完全飲唔到茶味，令到成杯黑糖珍珠奶茶好似一杯奶水咁。澎湖蝦卷蝦卷炸得夠脆身唔錯，不過味道唔係太濃，可能香港人嘅口味偏向重，所以建議店家可以配上醬料或汁咁會好啲。黑麻油雞翼拌麵黑麻油味道唔係太重，唔係好入到雞翼，不過雞翼都算嫩滑唔錯的。糖心蛋味道唔錯夠入味。不過因為黑麻油味道唔夠重，令到拌麵好淡同面身唔夠淋。肉燥娃娃菜娃娃菜落汁都幾鮮嫩同有甜味，不過個肉燥味道有啲怪，可能係口味唔同食唔慣。唔係一般食開嘅肉燥味道，有一浸唔識形容嘅香味。