拉麵Jo

星期日行開銅鑼灣，唔想食到好飽，但又想飽餐一頓，通常我都會揀食麵。近年係香港食多左沾麵，主要係因為整體質素都比以前好左，唔會一味得個鹹字。今次黎到呢間人氣麵店，亦冇失望。
因為係得獎食店，上網睇同聽人講佢好多時都會大排長龍，不過我地今日7點黎到就唔洗排，實在太lucky!
第一次黎當然要試下佢出名既特製沾麵，佢整體份量一d都唔吝嗇，叉燒有三大塊，麵底唔洗加底都好大個！

令人驚喜係，呢個麵既掛湯能力好強，每一啖都食到湯，至於湯就有好濃既木魚味，唔會只有鹹味，食完亦冇口喝。日式叉燒係半肥瘦，入口即溶，好滿足！