南小館 (已結業)

本來想食dazzling，但基於要排隊，又肚餓，所以搵一間唔想排都想試的，所以就試南小館。前菜還可以，青瓜都幾爽脆。小籠湯包係失望，皮唔夠薄，有點厚，入面都有湯，如果皮薄點，應該都不錯，不及鼎泰豐。呢個葱油餅係驚喜，鬆化，唔算好油，正！雞絲粉皮失望，個醬太濃稠，整體唔夾。個葱油拌麵不錯，味道唔太鹹，啱我。酸辣湯，因為我唔食得辣，但又鐘意飲，所以自己喜歡偏酸的，呢度幾啱我口味，但喜歡辣的朋友，就應該覺得不夠。