甜悅

营业中

休息中

見到呢間甜品舖，舖頭乾乾淨淨就入咗去，望落以為好細間，原來行入去仲有位置，都算坐得舒服。個人推薦：芝麻糊椰皇燉蛋白配湯圓芋圓椰皇嘢肉好容易刮出嚟食，湯圓皮薄餡靚，簡咗芝麻餡湯圓，再配芝麻糊勁香濃，本身鐘意芝麻香味既一定會鐘意！燉蛋白好滑，芋圓煙煙韌韌，呢個質素絕對 對得住個價錢。另外都帶叫鮮奶桃膠椰皇燉蛋白配芋圓，但相比芝麻糊個椰皇燉蛋白，呢個就遜色少少。正正常常咁。仲叫左芒果班戟，每舊Pancake包住兩嚿大大塊芒果肉，依家唔係芒果季節，但芒果唔酸，用料係有揀過，因為唔太甜，食落去口感唔會濟。