更多
2021-04-03
1177 浏览
法日fusion WHISK位于The Mira美丽华酒店，餐厅装潢雅致，虽然唔算特别靓，但胜在楼底高，枱与枱之间有一定距离，空间感十足。重点系服务一流，法日料理相当崭新。今次就适逢Restaurant Week嚟到访！只需要透过Dining City嘅app嚟book位，再用汇丰信用卡埋单，就可以以优惠价品尝到超过200间餐厅嘅美食。做到4月11号咋，虽然迟啲都会有Winner’s Edition。⠀HK Restaurant Week Spring 20217-course Dinner Elite $5981️⃣Amuse Bouche非常之惊吓嘅第一道。食完第一啖真系皱晒眉头。蛋非常滑溜，但面层嘅清汤偏咸同酸，好似有阵酸味，个人就唔太钟意。Caviar嘅存在感亦偏低。另外亦有爽脆嘅玉米荀，调味恰到好处，正常发挥。2️⃣Foie Gras 焦糖炖鸭肝 苹果食完第二道继续皱眉，一度以为佢今次既menu唔太啱我口味。焦糖炖鸭肝嘅焦糖脆面好靓！不过好似有啲厚薄不一，焦糖太厚既地方有啲痴牙、唔太脆，甜度好高，完全盖过鸭肝嘅香气。而焦糖脆面薄啲嘅位置，焦糖嘅甜味同鸭肝嘅香气相对balance啲。
位于The Mira美丽华酒店，餐厅装潢雅致，虽然唔算特别靓，但胜在楼底高，枱与枱之间有一定距离，空间感十足。重点系服务一流，法日料理相当崭新。
今次就适逢Restaurant Week嚟到访！只需要透过Dining City嘅app嚟book位，再用汇丰信用卡埋单，就可以以优惠价品尝到超过200间餐厅嘅美食。做到4月11号咋，虽然迟啲都会有Winner’s Edition。
⠀
HK Restaurant Week Spring 2021
7-course Dinner Elite $598
1️⃣Amuse Bouche
非常之惊吓嘅第一道。食完第一啖真系皱晒眉头。蛋非常滑溜，但面层嘅清汤偏咸同酸，好似有阵酸味，个人就唔太钟意。Caviar嘅存在感亦偏低。
另外亦有爽脆嘅玉米荀，调味恰到好处，正常发挥。
2️⃣Foie Gras 焦糖炖鸭肝 苹果
食完第二道继续皱眉，一度以为佢今次既menu唔太啱我口味。
焦糖炖鸭肝嘅焦糖脆面好靓！不过好似有啲厚薄不一，焦糖太厚既地方有啲痴牙、唔太脆，甜度好高，完全盖过鸭肝嘅香气。而焦糖脆面薄啲嘅位置，焦糖嘅甜味同鸭肝嘅香气相对balance啲。
底层嘅炖鸭肝 质地有啲似老左嘅炖蛋，食落无乜咸香味，令整体感觉偏甜。
旁边就有一个冰镇苹果，卖相唔错，真系以苹果作器皿。不过食落就好普通，就系裹满沙律酱嘅苹果，胜在苹果够晒爽甜。但系我真系唔钟意食沙律酱。
3️⃣Hakata Jidori 博多地鸡 鸡白汤
Hakata Jidori
54 浏览
0 赞好
0 留言
上菜嘅时候，店员会即场倒入鸡白汤至米饭当中。鸡白汤味道相当特别，完全系carbonara版嘅鸡汤！成个感觉好似泡饭，但系米饭质地唔会好似平时个啲咁软绵，反而系偏硬身带咬口，几钟意呢个口感。
碗上面有一串鸡肉串烧，外层非常香脆，博多地鸡肉质嫩滑，香辣微酸好惹味！仲可以点埋带红椒香气既酱汁~
4️⃣Soja Bread 清酒 酱油面包
Soja Bread
47 浏览
1 赞好
0 留言
好神奇地面包竟然会系第四个course先上。Anyway，系连续两道好少见又惊喜嘅菜式！
面包以清酒作烘烤，闻落去阵阵米香，食落真系有淡淡清酒香！面包外皮偏厚身，超！香！脆！食落同饭焦有几分相似。果然系酱油面包，咸香味越咬越岀，涂上旁边超香嘅牛油，可以平衡面包嘅咸香，不过我就钟意就咁食个面包多啲啦。特别钟意面包嘅质地，烟韧有弹性！质地真系有啲似外脆内弹嘅canelé。
5️⃣Turbot fish 比目鱼 甜豌豆 黑蒜
Turbot fish
35 浏览
0 赞好
0 留言
系比较清淡嘅一道~ 比目鱼肉质较为扎实，火喉啱啱好够晒滑，完全唔腥。黑蒜同甜豌豆嘅配搭 令菜式入口有些微甜酸味，特别钟意爽脆、带天然甜味嘅甜豌豆。而最底就有带咸味嘅菠菜。
6️⃣Lavender Duck // Wagyu, Abalone +$120
Wagyu, Abalone 和牛 鲍鱼 +$120
建议大家唔洗加$120转和牛
和牛属于比较有咬口个种，肉质唔太软腍，油脂感低，牛味偏淡。边边位带焦香，但有少少筋。旁边既酱汁系加左黑松露嘅烧汁，不过点落又唔系好品尝到黑松露嘅香气。鲍鱼相对较为岀色，爽弹入味。
Lavender Duck 薰衣草 烤鸭 川椒
简直系有史以嚟食过最滑嘅鸭！滑得嚟有弹性！鸭肉呈粉嫩嘅红色，鸭味香浓无腥味，估唔到同柔和嘅薰衣草咁夹！入口甜甜地，带些微川椒嘅香气，但食落完全唔辣！
旁边就配左两款酱汁，两款都偏酸，可以中和鸭肉嘅油脂感。不过我就觉得唔点酱正啲。
7️⃣Chocolate Temptation // Fromage, Truffle +$60
Fromage, Truffle 法国芝士 松露 +$60
法国软芝士camembert温热软滑带奶香，咸香亦挺突岀，就咁食已经好正！而另一旧圆轱辘既竟然系松露雪糕，估唔到松露味都几香，甜甜地完全唔咸！不过将两样mix埋一齐食 质地一啲都唔夹 (其实正常系咪唔会一齐食?!) 分开食就两样都好邪恶好满足。
Chocolate Temptation 香蕉 朱古力 核桃
Chocolate Temptation
28 浏览
0 赞好
0 留言
用餐体验相当唔错，店员细心、非常乐于讲解每道菜式。食材与配搭上花咗唔少心思，每一道都系味蕾上既冲击，鸡白汤、酱油面包、薰衣草烤鸭都几有惊喜。不过偶有一两道唔太啱口味，成餐饭食到好似坐紧过山车咁。Overall嚟讲，都算值得一试！因为完全唔系一般平时食到嘅味道，几乎每碟都会食到嗯~岀声 (um不过有两碟系皱眉既嗯~)。同埋店员比人感觉相当专业同caring！
张贴
