四姐川菜

中伏嘅一餐 🥲 Happy Friday諗住食餐好嘅，老公之前同班鬼佬frd去過四姐灣仔店話超好食，大力推薦，我哋咁岩係銅鑼灣附近，就去銅鑼灣店食啦

6:45pm左右walk in咁岩有位，係門口staff已經講明$360/位 + 10% service charge. 人頭嗌餸 兩位可以叫2個starters + 3個main, 我哋ok就坐低order

因為老公係川菜愛好者，食過無數川菜 仲去過去四川，對呢餐有極大期望，但真係期望愈大失望愈大。review寫係下面。呢間係唔會再返轉頭食嘅餐廳，唔明點解銅鑼灣店同灣仔店差咁遠？換左師傅？定師傅唔識整川菜？成餐飯除咗個賣相似川菜之外 應有嘅川味 香辣咩都冇，唔知自己食左啲咩

麻麻地 唔推薦

成餐飯呢個starter 最好食😭

水煮魚， 冇味 辛香麻辣咩都冇 超級油 諗住會係桂花魚或者草魚，但竟然係龍脷柳，呢個價錢諗住個魚會高級啲但真係有啲失望 不過魚係大件嘅

水煮牛 明明賣相ok 放一口完全唔係想像嘅四川味，唔知食緊咩？？？

唔記得呢個叫咩名但食評好多人話好食我哋就跟住嗌，呢個係3個main入面最差嘅，食左兩啖就冇辦法食落去，最後剩低好大碟

最後免費送嘅炒油麥菜 竟然好好食