聆渢咖啡廳

营业中

休息中

天氣好好，最適宜BBQ，不過，我又比較懶，最好搵人燒埋俾我食。今晚帶埋屋企人去黃金海岸食自肋餐，佢哋有專人做燒烤，幫客人燒埋嘢食。  燒雞翼…..我鍾意食，超好味! 食咗半打。 家姐個細路就好鍾意食燒菠蘿，話好甜。 呢個場仲有好多冷熱盤和甜品，包羅萬有。 三文魚、海蝦、蟹、螺，係我嘅至愛之選，味道唔錯，食咗兩輪。 當然唔少得食甜品，款式好多。 栗子蛋糕的栗子蓉好香。 各式各樣的糕點、甜品都好正，所以，好快就俾人搶住食，好彩酒店都添加得好快。