幸運小亭

今日放假黎到赤柱，行行下肚餓去搵野食。見到海旁有d餐廳，可以望住個海景黎食野，咁岩有一間有漢堡包食，好似幾吸引咁，就走左去食。

開頭我地見咁多空位，就是但搵左個4人位黎坐，之後就俾呀姐叫左我地去2人枱到坐。

我地就叫左炸洋蔥碎煙肉牛肉漢堡包配薯條，羊肉串燒配酥餅同一杯椰汁紅豆冰。

炸洋蔥碎煙肉牛肉漢堡包 配薯條

$108

個牛肉好厚好大塊，咬落去好juicy😋，塊煙肉都唔乾同硬，係個薯條加$30有d貴。

1

羊肉串燒配酥餅

$118

羊肉串燒都還可以，配酥餅食，不過不失，始終係咩都有既餐廳，不能要求有串燒店咁惹味同香口，但相對下價錢仲貴過漢堡包，有點不值既感覺。

1

椰汁紅豆冰

$48

椰汁紅豆冰有驚喜，佢本身間鋪有沙冰飲，唔知係唔係因為咁，杯紅豆冰係沙冰黎，比起傳統快餐店飲開既紅豆冰口感唔同。我幾鐘意呢種整法，起碼唔駛飲飲下食左舊冰。