Chatterbox Café (K11 Musea)

营业中

休息中

ChatterBox Cafe，你一係未食過，一係食咗就上癮，因為實在太好味。呢個就係佢獨特新加坡風味的魔力。餐廳用熱帶植物做裝飾點綴，突顯新加坡特色，有很多卡位，感覺清新舒適。星州海鮮炒貴刁 色澤好吸引，但卻不油膩！超級豐富的海鮮，好肥美的刺身食用級帶子，魷魚、大蝦 仲有唔少銀魚仔，配上芽菜香蔥，貴刁炒得好夠味 鹹鹹香香！文華海南雞飯 配一個雞油飯、雞湯、三色醬料。海南雞肉質相當嫩滑，加咗10蚊轉咗雞脾，更加美味。三色醬料有薑蓉、酸辣醬、黑醬油，同雞肉好夾。咸蛋雞翼6隻 邪惡的咸蛋黃包住雞翼，鹹蛋黃汁濃郁，咸香可口，雞翼啖啖肉，質素絕不馬虎！班蘭蛋糕伴椰子雪糕 因為堅持相機先食，淨係睇到已經口水，佢個班蘭蛋糕香到不得了！口感鬆軟，班蘭味都濃，真正系色香味俱全！椰子雪糕有椰絲係入面，食落又香又濃味，另配咗黑糖漿，可以根據喜好可加雪糕。