PizzaExpress (K11購物藝術館) (已結業)

二哥生日，佢係pizza express 會員，話生日月份去食有免費甜品送，於是上網即日訂位。 記得有次係沙田分店食過碟扁意粉，口感好潺，對佢印象麻麻，不過今次二哥話想食，無所謂啦。三個人叫咗一碟清酒蟹肉意粉，一個小食拼盤同埋一個肉醬 pizza。個清酒蟹肉意粉食到真. 蟹肉，撈匀食好正，媽媽食到停唔到口。 pizza個面有d 脆脆，同埋有提子乾，少少甜，幾特別。小食拼盤有 parama ham ，芝士粒，煙三文魚，細塊印度薄餅，味道偏咸。係食到7788時想叫侍應上埋甜品，但佢叫我 speak in English喎，hmmmm 我唔係唔識英文，但如果真係有d 英文唔太好嘅黎，咁叫佢地點算。-_-算啦，唔理咁多，甜品又靚又好食，為今餐帶黎完美句號。