我哋要咗~~~
首先上枱既係香煎素鵝同小籠包
我覺得小籠包要皮薄餡靚又多汁先好味，呢度既就做得到，值85分
，扣減咗既係豬肉既調味好像還差一點點。
香煎素鵝煎到外脆內軟，又唔會太油，其實都做得幾好，但兩個人食既話又份量多了一點。
跟住到小黃魚
上次我蒞呢間食過香煎小黃魚，印象中好好味，所以今次再叫，但餐牌上只有椒鹽小黃魚，諗住差唔多就試下啦。咁今次又唔係話唔好食，但上次係三條「小」黃魚，今次係兩條「大」黃魚……，肉質無咁滑。同埋今次係炸，而且有少少炸過頭，鍾意食香口野既就無問題，但食得清淡既人會覺得太熱氣。
最後上枱既係三鮮水餃
餐牌無寫係咩三鮮，食咗發現係豬肉、東菇、蝦。不過蝦既份量超小，要好為意咁揾佢出唻先見到。
雖然個水餃同樣皮薄，但味道同小籠包差好遠，我覺得食多籠小籠包好過。
本來想叫多個木瓜餅做甜品，但我哋太飽啦，食唔落無叫到。
