好湯好麵

营业中

休息中

今日朋友带我去威威，地点就系大围，佢带咗我去一间食面的小店，入到去睇到个Menu真系吓咗一跳，因为一碗面最贵竟然系$12X。我地两个人，我朋友叫棉花鸡，至于我就叫咗黑口黑面，呢两碗都只系$100以下。碗面一黎到，江湖规矩，梗系要试人地𠮶碗先啦，个汤底真系好，感觉系用咗好多材料去熬出黎，棉花鸡个汤D金华火腿好香，而黑口黑面个墨鱼汁汤底就好鲜甜，不过两碗之中我自己比较钟意黑口黑面，一来造型几过瘾几正，二来D配料都真系好新鲜，墨鱼圈唔系出面雪咗好耐𠮶D焗海鲜饭或意粉必备配料，至于个墨鱼滑弹牙得黎仲唔系一旧粉，有墨鱼香味，似系厨师自己打，真系食得出同其他地方有好大分别。我食晒之后连汤都饮晒，终于明白价钱虽然高，但真系物超所值。