漢城美食 (已結業)

今日喺旺角揾下有咩好野食，路过枪街附近见到呢间「汉城」，心谂食韩国野都好。汉式牛肉石头锅饭呢个牛肉饭虽然无咩特别，但喺非常合格，韩式石头锅饭应有嘅特点佢都尽有。石头锅够热，可以生成到饭焦。饭够软身，配料丝切得够幼。唯一唔够好嘅地方就喺，米粒无落到调味，汁水又小，所以d饭就大部分无乜味道。原味炸鸡翼呢款鸡翼值得一提，因为好特别。原本以为喺韩式炸鸡翼或者喺烤鸡翼，点知原来喺港式炸鸡翼再配上韩式甜酸酱。鸡翼表面有一层好薄嘅港式炸粉酱，唔会好好似老麦脆香鸡翼咁厚粉，亦都唔喺日本天妇罗咁超薄炸粉酱。一路食一路谂起读书果阵喺街边食煎酿三宝嘅回忆。无错！呢款鸡翼特别在有回忆嘅味道！