上海珍珍排骨麵 (已結業)

每次去屯門，都心思思想食排骨麵。早兩日終於有機會又去食了。。。今次去先知原來叫雙拼或者三拼無淨排骨麵咁抵食。因為雙拼或三拼多左其他餸，但排骨會少左好多呢～排骨紫菜腐皮卷麵－排骨放係湯上面已經淋左，雖然無另外碟上咁脆，但仍然好味，因為排骨本身已經好入味，加上炸得好鬆脆，所以淋左少少都唔係問題。但當然，叫佢另上更好。腐皮卷無乜味，只食到紫菜味，浸得耐完全淋晒，都幾核突下。排骨魚肉腐皮卷－同樣地，腐皮卷浸得耐又係淋晒。排骨得四舊仔，唔夠喉，下次都係淨係叫排骨麵，多一半呢，再另外叫碟餸好過。