1
點左小辣(之前試過中啦，食到後尾覺得太辣)，配料花椒八角，蔥蒜，芹菜炒得好香，雞煲好濃味，偏甜，雞都好入味，不過亮點係豬皮，完完全全吸晒啲汁，雞煲係可以選擇你鍾意食嘅部位，可以揀淨雞胸，淨雞髀
打邊爐點左皮蛋芫西湯 ($39)，雞煲好濃味，所以清淡啲嘅湯底會搭啲
自家製即炸響鈴 ($59)
店員好好，知道我哋想食響鈴，叫我地要早啲點，因為等得比較耐，剛剛炸起，好酥脆
手打香蕉墨魚丸(半份)($55)
第一次試，中間有少少香蕉蓉，感覺比較「特別」，貪得意可以試試
仲有皇帝菜($49)，萵筍($49)，蓮藕片($49)，鮮淮山($59)，桂花蚌 ($109)，手切極品靚牛皇($231)&牛柳粒($119)
打邊爐我最鍾意食係淮山，吸晒啲湯，牛肉同牛肉粒好好味，脂肪分布好均勻，牛肉粒一定要食，桂花蚌都新鮮，都好爽
洛神花茶($58)
一啲都唔甜，亦都唔會好酸，食咁濃味嘅雞煲係好好嘅配搭，亦都比較健康
