臨記車仔麵 (已結業)

臨記都真係成日食，話晒係屋企樓下夠方便。鍾意佢食車仔麵得嚟，食材真係有自己烹調過，唔係就咁用滾水淥一淥就放上碗咁Hea。自選車仔麵（$64）每次都食糖心蛋同牛筋，呢兩日簡直就係臨記嘅王牌🥰。溏心蛋比日式拉麵店更好食，蛋黃濃郁之餘🐣，外面用醬油浸過，非常入味；牛筋分量超多，入口溶化🐂。豚爽肉都幾香口，其餘兩款配料都正常正常。例牌必點蕃茄湯底，但今次烏冬賣晒所以就揀粗麵，感覺上比烏冬大碗好多，好似食極都唔完咁😂。粗麵質感唔夠爽，同時唔係薄，所以都幾飽肚，有d可惜嘅係粗麵吸收唔到蕃茄湯底，味道唔夠濃郁。不過單飲蕃茄湯的確唔錯，食到蕃茄自身嘅酸甜🍅，仲有唔少蕃茄蓉，感覺好健康。自選車仔麵（$53）爸爸點叫左豬皮豬大腸韭菜牛筋麻辣粗麵，佢每次都點呢幾款配料，佢話係食車仔麵嘅王牌絕配😂。個麻辣湯底點左中辣🌶，聽佢講都幾夠辣，不過佢個碗我真係冇乜興趣試，食車仔麵嘅好處就係每個人都可以揀自己鍾意食嘅配料，唔一定要同人夾，自由度好大呢！油炸鬼豬扒（ $15 ）今次個油炸鬼豬扒都炸得唔錯🐷，唔算太油膩，口感鬆軟，份量正常。原味豆漿（ $8）呢間豆漿唔錯，帶甜味之餘但都仍然飲到有豆香🥛。