老北京 (渣甸中心)

营业中

休息中

一向都唔好京菜（註：還是抗拒不了北京填鴨）既我焗住去朋友飯局，結論都係唔好京菜。我表示粵菜先係世界級。先講講個茶，茶錢15蚊一位，菊花清香叫對得住價錢。菜式方面比較ok到既菜式係魚香茄子，佢係比較新派既造法，茄子唔多，主要青椒木耳絲，食落酸酸甜甜，幾有口感，但略嫌油膩。酸菜魚既魚係新鮮，魚好滑唔多骨，湯底較為清淡，如果再酸d更好。順帶一提d粉條係好食的，但花左唔少時間搵。北京填鴨都係唔錯，都燒得幾香，但鴨皮略嫌唔夠騷脆。不過包埋春餅加乾蔥青瓜點醬就可以了。218蚊半隻黎講算唔錯。最後全晚最滿意係炸芝麻湯丸，好香口，芝麻味好香濃。總結京菜係重味偏油，適合重口味人士。