華星冰室 (克街)

营业中

休息中

自從喺灣仔返工，華星冰室係我最愛嘅餐廳之一，今日又去左食喇！我又係嗌常餐，炒蛋，叉燒通粉。一個餐$40連飲品，有多士又有通粉，我覺得好抵食。多士好厚好軟熟，已經幫你搽好左牛油，仲烘到脆卜卜。我嘅食法會將一塊火腿同埋少少炒蛋放上其中一塊麵包，而另一塊會就咁食。腿蛋治超級好食，就咁牛油多士都好好味。叉燒通粉比平常餐廳煮通粉煮得好食，通粉比較煙韌，較有口感，而叉燒都幾好食嘅。豬扒干炒意粉都幾好食，男朋友就覺得冇乜味，不過食落就覺得清清地幾好（可能我食慣淡味嘢）。豬扒好腍好好味。