蒙麵

营业中

休息中

蒙面可能系最嚣张嘅车仔面档，有啲规矩要守架，但真系好好食好抵，大大份，叫三𩠌都系$50-60。座位真系得10个，一定要排队，仲要排20分钟起跳添，所以食饱都急急脚走啰。*米粉+招牌辣汁+牛腩汁 (三𩠌起)拣米粉可以索汤，腩汁系基本，辣汁必须加，微香辣令汤底更加惹味。萝卜 $11三块大萝卜，清甜软腍，但未够索汤。*卤包仔豆腐 $14三大块卤豆腐，卤得少入味，我心目中必叫。溏心卤蛋 $142只卤鸭蛋，半熟蛋黄啱啱好，但卤水汁好淡，而且未有鸭蛋蛋香，不过价钱好抵。五香牛筋 $16牛筋有四至五块，煮到好腍好软绵，但五香未够重。*辣味鱿鱼 $16分开单独上菜，份量唔少，鱿鱼弹牙，辣得过瘾又入味。新鲜花甲 $38虽然花甲份量唔多，但每一只都好饱满，而且令到汤底更加鲜甜(有比较有伤害)。招牌蜜汁叉烧串 $30即叫即烧，仲不设加单。大约食到一半就有得食。价钱唔平，但做到叉烧该有嘅焦香、蜜糖甜味。肉质有啲肉汁、少少韧，越咬会越香。沙嗲韭菜猪红 $28碗底全部都系韭菜，猪红起码有十几粒，绵但又弹牙哦，系靓猪红！沙嗲汁香又微辣，淡淡花生味，非常夹。