和牛燒肉‧純

我係日本痴，又係牛魔王，而飛驒牛又真係好鬼好味，所以平安夜Mr A 就book 咗呢度來慶祝之前我地都來過兩次，呢度啲和牛比起日本食嗰啲完全唔差架！今次我地點了平安夜set 餐前小食：以海膽三文魚刺身最出色，三文魚肥美厚切。仲送一對飛驒牛公仔同一個小啤酒杯做禮物。 沙律：蔬菜新鮮，個醬略為酸咗少少。飛驒牛：好似係沙茶醬香葉燒的，牛肉好soft 仲有好香好特別嘅煙燻味。夠正宗，同我喺白川鄉食的同一道菜差不多效果。 牛肉拼盤，樣樣都有啲。中間有一碟係豬腩來的。因為啲牛本身靚，稍為燒下再點少少鹽食已經好正，啲肉又香又soft...最估唔到係啲豬肉，有特別醬汁醃過，燒過後食起上來唔比和牛差喎！set 跟湯飯。不錯。湯底有啲似海鮮茶壺湯嗰種，頗清甜。甜品：日式蜂蜜蛋糕。有淡淡蜜糖味，唔係太甜，幾好食結論：如果喺香港想回味喺日本食的高質燒和牛，呢間暫時會係我不二之選