影片
更多
2022-05-08
1122 浏览
其實下午茶午飯我都嚟過呢間酒家食過幾次，覺得佢出品都唔錯。所以今次母親節，特別在這裏食晚飯慶祝母親節。先叫一個龍蝦伊麵，餐單上面寫着澳洲龍蝦約斤半。伴着一份叉燒，價值$398。再叫一碟美極頭抽海蝦$108。稍後再叫一隻紅燒乳鴿$48。後來居上，乳鴿先到，鴿身微暖，味道還算OK。與我先前下午茶食過幾次的完全不同。算啦可能母親節廚房做唔切。跟住龍蝦伊麵到，龍蝦份量，以我估計都有斤幾。大約十多舊龍蝦，都幾大嚿，分三種顏色，接近深啡，啡色同埋白色。咬口分三種，煙韌，腍同埋霉。至於伊麵，加埋都唔夠三小碗，仲有啲一嚿嚿，我以為係鬆糕。叉燒，成條上，賣相唔錯，而且熱辣辣，味道都可以。美極頭抽海蝦，＄108，賣相唔錯，大約有10隻，食咗碟面幾隻。味道同埋肉質都唔錯。正想俾個like佢，下面四隻，又苦又霉，完全唔食得落口。真係珍珠冚禾稈。跟住叫嗰個着西裝可能係經理嘅人話俾佢知向佢投訴，佢講一聲吓，咁就走咗。我埋單時，再向收銀員再次投訴，收銀員叫另外一位女經理來到，再向經理投訴。原來嗰位男士着西裝嗰位係替工經理。怪唔得知啦。下次晚飯，都唔好搞我。
先叫一個龍蝦伊麵，餐單上面寫着澳洲龍蝦約斤半。伴着一份叉燒，價值$398。再叫一碟美極頭抽海蝦$108。稍後再叫一隻紅燒乳鴿$48。
後來居上，乳鴿先到，鴿身微暖，味道還算OK。與我先前下午茶食過幾次的完全不同。算啦可能母親節廚房做唔切。
跟住龍蝦伊麵到，龍蝦份量，以我估計都有斤幾。大約十多舊龍蝦，都幾大嚿，分三種顏色，接近深啡，啡色同埋白色。咬口分三種，煙韌，腍同埋霉。至於伊麵，加埋都唔夠三小碗，仲有啲一嚿嚿，我以為係鬆糕。
叉燒，成條上，賣相唔錯，而且熱辣辣，味道都可以。
美極頭抽海蝦，＄108，賣相唔錯，大約有10隻，食咗碟面幾隻。味道同埋肉質都唔錯。正想俾個like佢，下面四隻，又苦又霉，完全唔食得落口。真係珍珠冚禾稈。
跟住叫嗰個着西裝可能係經理嘅人話俾佢知向佢投訴，佢講一聲吓，咁就走咗。
我埋單時，再向收銀員再次投訴，收銀員叫另外一位女經理來到，再向經理投訴。原來嗰位男士着西裝嗰位係替工經理。怪唔得知啦。
下次晚飯，都唔好搞我。
张贴
