入到最盡果間房, 嘩, 超級凍!!! 我妹要搵同學既關係, 所以食住等。其實叫左唔係好多野, 除左鮮蝦餃同灌湯餃無食之外, 其他都有品嚐過。
先講叉燒飽, 熱辣辣, 叉燒汁都幾多, 所以唔會話好乾爭爭, 好食!!!
珍珠雞就真係幾珍珠, 3啖已經食哂, 味道好似無乜, 而入面仲見到少量肥豬肉, 咁食左一件就無食啦！
唐生菜就無咩特別, 普通人都識整。至於個冰鎮豬手, 食落去似海蜇咁既質感, 爽爽地又唔難入口, 建議一試!
腸粉就 Okay 啦！叉燒大大塊, 係唔鍾意既就係加左啲香草落去。
我妹黎到之後, 就叫左個川芎百芷魚雲同豬腳薑。魚果個就肉唔多, 大部分都係骨, 有啲杞子伴下。仲有好大既中藥味。
最後, 就係個豬腳薑啦！味道可以, 值得一試。
服務就怕怕, 等腸粉, 埋單同加水都要等好耐先有。
2
1
