名館 (已結業)

天寒地冻，去铜锣湾行街，晚饭真系要食返d野暖肚。好耐无黎hysan，又出现唔少新食店。上到食肆几层，发现有间中菜，装修都几摩登，就入去试下。呢间店菜式都好多元化，好多特别花款。先黎个榄角肉松蒸秋葵，秋葵有d潺菜果种黏黏地，唔系人人中意，但配上榄角肉松，盖左少少草青味，会比较易入口。我几中意秋葵口感，虽然黏住个口，但清清地，新鲜又健康。另外叫左个汤，金山石斛花炖乌鸡，听上去都知滋补，貌相仲好靓，真系有好多金黄色的石斛花，睇上去好似淡淡地，但一饮落就觉得肉味好浓郁，好香，有少少药材调味。手撕千丝饼，开头以为好似一般酒楼甘咸水角形状，黎到原来系扁扁的。个饼好多层丝，应该系萝卜丝，油炸但一d都唔油腻。好好食，忍唔住食左2件。京川汁滑饺子，个汁好熟悉，系红油抄手个味，饺子皮唔算厚，饀料有猪肉同菜，都几足料，点埋个汁入哂味。避风塘鲜拆富贵虾，完全无虾壳，岩哂懒人，而虾肉都几大只，炸左都唔鞋，keep到嫩滑，炸粉亦唔算厚。甜品叫左榴梿雪梅娘，岩哂中意榴梿人士，味好浓，cream好滑，有少量榴梿肉，如果多d就好了😚总括今餐都唔错，菜式都几新颖。