影片
更多
2023-12-08
208 浏览
.😚近排天氣涼咗咁多，梗係要打吓邊爐食吓羊腩煲，今日想同大家介紹係新蒲崗這一間飯店，佢哋嘅枝竹羊腩煲味道非常之唔錯，價錢亦都合理，座位都幾闊落坐得都幾舒服，連火鍋嘅配料都好有驚喜，啱晒一家人或者同朋友一齊食飯吹水。.🐷枝竹羊腩煲羊腩同埋香噴噴嘅枝竹燉得好入味。🐏羊腩軟腍入口，加埋枝竹同埋甜甜地嘅馬蹄吸晒湯底嘅香味，真係好正。個湯底都夠濃郁，好香柱侯醬嘅味道，建議大家最後可以加一個出前一丁落去，咁個面就可以吸收晒所有湯嘅精華。.🐷黃金炸魚皮魚皮炸得好脆口，食得出係啱啱炸出嚟熱辣辣，上面黐咗好多鹹蛋黃，非常邪惡。😆.🐷墨魚丸拼蝦滑墨魚丸好彈牙，仲有一粒粒嘅墨魚肉喺入邊，口感同埋味道都非常之好。蝦滑亦都有驚喜，食落去係爽彈嘅口感，唔會覺得有好粉嘅感覺。.陳儀興飯店📍新蒲崗崇齡街40號地舖.
.
😚近排天氣涼咗咁多，梗係要打吓邊爐食吓羊腩煲，今日想同大家介紹係新蒲崗這一間飯店，佢哋嘅枝竹羊腩煲味道非常之唔錯，價錢亦都合理，座位都幾闊落坐得都幾舒服，連火鍋嘅配料都好有驚喜，啱晒一家人或者同朋友一齊食飯吹水。
.
🐷枝竹羊腩煲
羊腩同埋香噴噴嘅枝竹燉得好入味。🐏羊腩軟腍入口，加埋枝竹同埋甜甜地嘅馬蹄吸晒湯底嘅香味，真係好正。個湯底都夠濃郁，好香柱侯醬嘅味道，建議大家最後可以加一個出前一丁落去，咁個面就可以吸收晒所有湯嘅精華。
.
🐷黃金炸魚皮
魚皮炸得好脆口，食得出係啱啱炸出嚟熱辣辣，上面黐咗好多鹹蛋黃，非常邪惡。😆
.
🐷墨魚丸拼蝦滑
墨魚丸好彈牙，仲有一粒粒嘅墨魚肉喺入邊，口感同埋味道都非常之好。蝦滑亦都有驚喜，食落去係爽彈嘅口感，唔會覺得有好粉嘅感覺。
.
陳儀興飯店
📍新蒲崗崇齡街40號地舖
.
张贴
