米走雞Deluxe (已搬遷) 新店位置

已經唔係第一次食米走雞，米走雞最出名嘅芝士雞煲，真係食完返尋味！今次同兩個朋友嚟，比佢哋試吓！個煲一上枱，即刻成浸濃郁嘅芝士味散發出嚟。雞滑、芝士濃而不膩，雞嘅份量仲好足，細煲已經夠晒三個人食！食完雞煲就加湯打邊爐，芝士控嘅我一定要試炸響鈴。OMG兩樣我最鍾意食嘅嘢加埋一齊真係無得輸！ 十分鬆脆嘅響鈴加埋芝士湯，一流！今次我哋主要嘅配料係蔬菜，以及叫咗手打丸拼盤同雪花牛肉。手打丸十分彈牙，有五種丸，每種都各有特色，每種都將配料嘅味道真實呈現出嚟。另外我地叫嘅細份雪花肥牛，好足份量，牛味足，肥瘦均勻。