Porterhouse

加州大廈一向多野食，今日去左係24樓Porterhouse食lunch，咁岩原來8月份中午1點前有第2位6折既優惠，好抵食😍

前菜叫左1+韓牛和牛他他，用一個牛骨形狀既器具裝住，和牛他他好嫩滑，上面仲有魚子醬做點綴，再配合埋松露醬，好滋味。

另外一款前菜就叫左薄切黃尾鰤魚，新鮮肥美既鰤魚加入左虎奶醬汁，好清新特別。

之後就係重頭戲既主菜，分別叫左波士頓龍蝦配芝麻伊面同安格斯西冷牛扒。龍蝦新鮮彈牙，芝麻伊面好有中式味道，中西合璧。西冷牛扒煎得岩岩好，外焦內嫩，肉汁四溢。

Lunch time用到咁優惠價錢食到高質食物，好值得一試。