The Right Place (舊墟直街) (已結業)

晚市重开左几日，约左朋友食饭，不过去到餐厅话好多野都冇，有啲失望。最后我地嗌咗一个一人Dinner Set，再散叫左意粉同甜品。Dinner set 有个汤，普普通通，前菜就拣左温泉蛋三文鱼子豆腐，个汁几好味！餐个意粉系细细碟，两三啖就食完，酸酸甜甜几得意！个主菜拣左西冷牛扒五成熟，生熟刚好，但牛扒唔够Juicy，个薯蓉好食，如果可以多啲就好。散叫既意粉唔错，几清新，忌廉汁但唔会好漏。食哂正餐上甜品前佢地提供左少少果肉整既沙冰，佢话可以解下啲味先食甜品，几特别。之后就到心太软，正常水准。整体黎讲普普通通，正正常常，不过可能期望过高，就有啲落差。