泰贊- 創意泰餐廳

去完迪士尼，出返嚟青衣已經9點幾
好多餐廳都閂咗，無咩選擇又肚餓，好彩仲有呢間！

我地叫咗一個菠蘿海鮮炒飯同一個雞絲湯河
咁啱餐廳做緊飲品買一送一，就叫咗三色冰

菠蘿炒飯賣相都唔錯，有兩隻大蝦同埋青口係上面
材料就比較普通，有三色豆、菠蘿、蛋、提子乾
味道不過不失，最開心係佢菠蘿唔酸，亦都有唔少(ᗒᗨᗕ)

雞絲湯河方面，湯底清甜
雖然只有雞絲，比較齋，但唔會覺得好柴，份量都夠配湯河
個人幾鍾意佢有蔥同洋蔥絲，好香~
比較個人攰個陣食返啲湯面，爽٩(^ᴗ^)۶

飲品正正常常，甜咗少少，買一送一先會叫XD

整體嚟講，普通，無話好有令人眼前一亮或者特別
性價比唔高，一碗湯河$78再加一
朋友話食物質素無變，但價錢又貴咗(ᗒᗣᗕ)