十和田總本店

同好友相聚，好耐無食壽司好想食下，見呢間入咗 open rice 10大，搵晚放工打電話 book 定枱去試，點知好普通啫。 去到都坐唔滿，有好多吉位，櫈下有個籃可以放袋，設計幾好。

三色丼係幾好食，有蟹肉，海膽同吞命魚蓉，份量唔算多，2個女仔 share 黎食都勉強夠嘅，蟹肉同海膽都好新鮮，不過價錢偏貴 ($168), 另跟麵豉湯同茶碗蒸。 茶碗蒸好有水準，好豐富，入面有冬菇，蟹柳同白果，仲好滑添。 (小插曲: 一開始茶碗蒸個碗出面有條頭髮痴住咗，同侍應講換過另一碗，感覺先好少少)

另外仲叫咗特選壽司拼盤，嘩，呢個出晒事。隻蝦個蝦頭流咗d 汁出黎，好腥，整到附近d 壽司，尤其係隔離件玉子壽司都好腥，好唔新鮮嘅感覺，即刻唔想食😰😵
下次唔會再叫壽司了。