美人鍋 (已結業)

今日想睇下apm有咩食，於是就在apm兜兜轉轉，尋尋覓覓。見到呢間美人鍋，個名幾得意喔！睇下入面裝修又幾靚，每人有一個鍋，我見個鍋好特別，好似一個鉄碗咁。之後朋友話：好平啊！先88蚊。咁平，唔係唔試啊嘛~點知入到去先發現我地睇錯價錢，係$168一個人，加$88就有可以任飲自助bar嘅嘢飲。一人鍋套餐抱過一個湯鍋，一個蔬菜拼盤，一份免治雞肉，一份豬肉/雞肉。我就加咗個蕎麥麵$30。有自助調料區，包含多種自製醬料，仲有柚子黑椒醬，幾特別下。我就揀咗骨膠原湯，上枱就係布甸咁，幾得意，湯底飲落就似雞湯。素菜拼盤有好幾款蔬菜，大多數都係白菜，仲有少量嘅菇。免治雞肉我就揀咗芝麻雞肉，食落好重芝麻香，肉質鬆軟，搭配醬汁黎食都幾好味。豬肉就正常，要注意煮嘅時間，煮到啱啱好，點少少柚子黑椒醬食，都幾好味。整體來說，好似無咩嘢食，不過食完都飽嘅，但係無滿足感。兩個人食埋單就$450，個人認為唔抵食，不如食自助火鍋放題，食物質素都差唔多，仲可以任食任飲，價錢或許仲會平D。