香港18餐廳 (已結業)

係海怡半島食飯好少選擇，見香港18唔使排隊就入左去食。燒特級西冷: 西冷幾大塊，叫左7成但切開似5成多啲。食落覺得好普通，牛肉冇咩味，點燒汁同茄汁食先有啲味。肉質幾淋，但好乾完全鎖唔到肉汁。薯條反而幾好食，係實心既粗薯條，炸得岩岩好。菠蘿咕嚕排骨: 中菜好似水準好好多，賣相吸引一攞出黎好熱既。排骨幾多肉，咬落唔會好硬，食落酸酸甜甜好開胃。其他配料都幾好味，菠蘿好甜，青椒、紅椒同洋蔥都炒得幾香，點左汁食更加好味。食物質素好普通，唔值呢個價錢，食小菜會好過扒餐。唯一覺得有驚喜既係佢杯凍檸茶，茶底甘香甜度岩岩好。