宗像屋 (已結業)

經過門口見到相當有特色，睇唔出佢係食啲咩食物嘅淨係睇得出係日本嘢，然後有好多人排隊，的起心肝有一日去試吓！大約等咗大半個鐘先入座。因為唔知好唔好食所以叫個最平嘅梅，有九種海鮮：吞拿魚、吞拿魚茸、北寄貝、希靈魚、帶子、三文魚子、烏賊、油甘魚同埋臘魚。$108一碗。個飯都係用一個木桶裝住，同平時啲魚生飯唔同，佢啲魚生係碎上的。成座山咁影相一流！有幾種唔同嘅食法，包成手卷咁樣食，魚生丼咁樣食又或者變做茶漬飯咁樣食。其實就好特別嘅～不過整體來講其實味道都只係普普通通，我食一次就算了，應該唔會再幫襯。