紅茶冰室

营业中

休息中

有晚又經過太子覓食～入左呢間幾光鮮既紅茶冰室試下～雖然已經夜晚九點幾，但係入到去仲好多客～心諗睇黎呢間冰室應該都幾好食啦。。伙記安排左我坐一邊卡位，餐牌都好多選擇，除左有平時茶記有既野之外，仲有鐵板餐，咖哩等等。。～ 一輪爭札之後都係叫番特餐試下～個餐＄４８，加＄３要凍飲之後要＄５１。。。其實都有d貴。。特餐有個沙嗲牛肉麵～呢個麵味道都ok～沙嗲汁幾香濃，牛肉數量都唔少又幾林身～麵底就正正常常咁啦～仲有碟火腿奄列同埋丹麥多士～但兩樣質素都麻麻地。。。本身對丹麥多士幾有期望，因為出面茶記多數都只係有普通多士。。不過呢度既丹麥多士只係有少少微暖，口感尚算鬆軟～相比起之前在博洛尼亞餐廳食既丹麥多士，呢度就真係好普通，我寧願佢比番普通厚多士我算數了～火腿奄列更遜色。。。塊蛋煎得好乾下，完全食唔到有蛋汁～入面既火腿絲都得少少。。有d姑寒。。總結：下次如果想黎食，一定唔會叫呢個餐。。＄５１唔抵食。。反而佢d咖哩飯好似賣相唔錯，可能會試下