影片
更多
2021-04-20
2246 浏览
位置東涌喜來登酒店既呢間嶼坊，位置十分偏僻，由東涌地鐵站行過嚟起碼都要15至20分鐘左右，地理位置就唔多好啦，而有啲酒店因為地點遠，會安排接駁巴士送食客往來地鐵站，但呢間暫時就未有，安排上就方便唔到啲食客啦～而今次係食晚餐的，6點鐘就開始可以入座，一開頭就無乜人入座，但開始左無耐就越坐越滿，當晚應該有大概一半入座率，人流亦比想像中多😂😂一入座先睇海鮮區，有花甲，藍青口，螺，蟹腳同最重要既生蠔👍🏻每隻生蠔會由廚師洗同掃乾淨先拎比你食，感覺較好。而生蠔較細隻同薄身，口感就差啲，但味道亦有小小蠔味，雖然有生蠔，但質素只屬一般水平，而蟹腳就唔算係好新鮮好鮮甜果隻，都係合格水平，而其他海鮮都係正正常常，無乜特別～而熟食區主要係以西餐為主，西冷牛扒方面都係有一大舊牛肉擺係度，然後由廚師切比你，而牛肉既味道都係一般，牛味都唔算濃，而粉面區都係有菜配粉麵，由於留返個肚食其他既關係，菜同麵今次就無食到啦～而中菜都仲有燒味食，有燒鴨，雞同燒肉，不過成日去拎野食果時都唔多覺有廚師企係後面斬燒味😅可能比較少人拎，同埋佢就唔係斬好擺係碟上，可能見係咁啲人拎既意慾都無咁大😅😅至於日式食物區有炸天婦羅食，都有蝦，魚
而今次係食晚餐的，6點鐘就開始可以入座，一開頭就無乜人入座，但開始左無耐就越坐越滿，當晚應該有大概一半入座率，人流亦比想像中多😂😂
一入座先睇海鮮區，有花甲，藍青口，螺，蟹腳同最重要既生蠔👍🏻每隻生蠔會由廚師洗同掃乾淨先拎比你食，感覺較好。而生蠔較細隻同薄身，口感就差啲，但味道亦有小小蠔味，雖然有生蠔，但質素只屬一般水平，而蟹腳就唔算係好新鮮好鮮甜果隻，都係合格水平，而其他海鮮都係正正常常，無乜特別～
而熟食區主要係以西餐為主，西冷牛扒方面都係有一大舊牛肉擺係度，然後由廚師切比你，而牛肉既味道都係一般，牛味都唔算濃，而粉面區都係有菜配粉麵，由於留返個肚食其他既關係，菜同麵今次就無食到啦～
而中菜都仲有燒味食，有燒鴨，雞同燒肉，不過成日去拎野食果時都唔多覺有廚師企係後面斬燒味😅可能比較少人拎，同埋佢就唔係斬好擺係碟上，可能見係咁啲人拎既意慾都無咁大😅😅
至於日式食物區有炸天婦羅食，都有蝦，魚柳、蕃薯同南瓜，旁邊都見到廚師即炸，而食落脆漿唔會太厚，味道都唔錯，係可以拎既食物之一👍🏻
「重點回本位」係熟食區既重點就係焗龍蝦，佢個位置係比較隱蔽，係有個廚師拎比你，並唔係擺係個盤到比你拎，所以都要每轉等一等先有得拎，而龍蝦size算正常，配合埋蒜茸一齊食十分鮮甜，而龍蝦肉唔會太霉，算係回本位之一👍🏻👍🏻
而每人都會有一份鮑魚同冬菇送既，由侍應遞上黎的，至於鮑魚size合理，不過遞上黎果時略嫌有啲凍，味道都正常
最後甜品區既甜品都多款式，尤其芝士蛋糕同檸檬蛋白撻幾好食，而雪糕就係movenpick既，味道幾多，有比較少見既青檸味同芒果味，不過就唔係自己拎，係由職員舀比你
總結以自助餐嚟講食物款式都夠，但位置實在十分偏僻，而價錢亦要約$500一位，所以以呢個價錢嚟講亦不一定要選擇呢間啦～
张贴
