一心素食 (已結業)

想食清淡啲，晚餐揀咗素食。環境大，乾淨。可能因為區廠區或星期二關係，無book枱都有位。其實離牛頭角地鐵站10分鐘路程左右，唔算遠。我地5個女仔叫咗4人餐，1碟炒飯加7個餸加4杯野飲加4份前菜同4份甜品，夠食之餘仲有剩，每人大約$120，抵食。本人好鐘意食咕嚕肉，所以點咗菠蘿咕嚕肉，面筋口感好似真肉，汁好味，唔會太酸，唔會好茄汁味。整體野食好食，美中不足係果日無晒芋頭魚。我覺得食素一定要試芋頭魚，唯有下次再試。