金門餐廳 (已結業)

早午餐都一直有光顧開，奶茶蛋撻出爐面包都是鎮店之作！但晚飯都係首次，估不到超有驚喜！抵食指數爆燈之餘，仲細聽香港仔歷史，老爸話幾十年前依間舖隔離係間喃摩舖...個邊填海填出嚟... 爺爺間酒樓在...（下刪三十萬字）如是者上了一課街坊歷史堂！有趣有趣！每晚都有幾款推介小菜＄55，就算餐牌中的都是＄5x起（蒸魚都係＄65-75）已包括例湯、白飯、小菜及奶茶咖啡，自己買餸煮都未必得呀！我杯檸水差不多有半個檸檬，哈哈！魚香茄子斑腩煲：絕不馬乎！料足夠鑊氣非常惹味，簡直是酒樓水準以上！ 當晚推介京都骨：甜酸味剛好，用上豬扒所以無了肥膏部份，但廚師可能無洗鑊煮所以有黑色點點鑊燶！