影片
更多
2011-07-17
45 浏览
因為上次去八喜食滿 $500.00, 有 5 個印花, 所以會送一窩大約 4-5 位用既 "花膠竹笙雞絲翅". 不過最後限期只係去到 20/07. 所以就約埋幾個朋友今晚去食果窩免費既 "花膠竹笙雞絲翅".雖然我地一早已經訂左位, 但由於太多人, 所以都要等大約十分鐘先可以安排我地入座, 都尚可接受.今晚既飯局, 除左想食果窩 "花膠竹笙雞絲翅" 外, 另外都想試下其他上次未試既精緻小食.我地五個人, 總共點左五個小食, 兩個小菜, 同埋一個拉麵, 份量岩岩好, 仲空間留待去食甜品.八喜招牌春卷 $30.00叫得招牌, 果然唔錯. 食落去既感覺, 有少少似懷舊小菜 "酥炸小棠菜" 既進化版...唔錯!!!冰鎮花膠筒 $42.00個茨汁好好味, 花膠好爽身同埋好入味, 唔錯!!!花雕醉雞 $48.00一上枱, 就聞到好香, 好濃烈既酒香味, 至於雞肉就一般, 唔算好滑, 不過就好入味.個人覺得不過不失.酥皮韮菜盒 $26.00上次食過之後, 愛上呢個小食, 所以今次指定一定要再點!!!!灌湯小籠包 $30.00不過不失, 唔算好, 亦都唔算差, 但都尚可一試.花膠竹笙雞絲翅 (原價 $4
雖然我地一早已經訂左位, 但由於太多人, 所以都要等大約十分鐘先可以安排我地入座, 都尚可接受.
今晚既飯局, 除左想食果窩 "花膠竹笙雞絲翅" 外, 另外都想試下其他上次未試既精緻小食.
我地五個人, 總共點左五個小食, 兩個小菜, 同埋一個拉麵, 份量岩岩好, 仲空間留待去食甜品.
八喜招牌春卷 $30.00叫得招牌, 果然唔錯.
食落去既感覺, 有少少似懷舊小菜 "酥炸小棠菜" 既進化版...唔錯!!!
冰鎮花膠筒 $42.00個茨汁好好味, 花膠好爽身同埋好入味, 唔錯!!!
花雕醉雞 $48.00一上枱, 就聞到好香, 好濃烈既酒香味, 至於雞肉就一般, 唔算好滑, 不過就好入味.
個人覺得不過不失.
酥皮韮菜盒 $26.00上次食過之後, 愛上呢個小食, 所以今次指定一定要再點!!!!
灌湯小籠包 $30.00不過不失, 唔算好, 亦都唔算差, 但都尚可一試.
花膠竹笙雞絲翅 (原價 $400.00, 而家免費)如果要俾食既話, 我一定叫退貨!!!!
唔係話唔好食, 而係用料完全唔值咁既價位.
簡單少少講 - 多雞絲, 少竹笙, 唔覺有翅.
同埋個茨湯又好普通, 唔覺吸引.....總之一句 : 唔抵!!!!
不過免費係咁架喇, 唔好要求太多.
希望要俾錢既, 用料會有所改善啦...
石窩胡椒蝦 $108.00好香胡椒味, 好入味, 蝦肉又夠爽, 證明夠新鮮, 好味!!!
不過略為咸左少少, 不過都多唔影響好味指數.
青蟳米糕 $108.00台灣一道著名佳餚.
"青蟳" 好大隻, 肉質唔錯, 好有鮮味. 至於問我同 "肉蟹" 有咩野分喇?? 講真, 我真係唔識分囉.... =.=""""
至於飯底, 有好濃香既荷葉味, 好味到大家都搶飯食....
簡直係妹仔大過主人婆.
可惜八喜好似冇單獨荷葉飯, 如果唔係, 下次一定要點這個飯!!! 回味!!!!
四川担担拉麵 $32.00
不過不失, 不過就有好香既麻醬味, 都算唔錯.
總括黎講, 今餐晚飯, 大家都食得好滿意, 當然除左個 "花膠竹笙雞絲翅" 啦.
如果只係三五知己小聚既, 八喜絕對可以列入飯堂之一.
但係如果太多人既話, 係份量上似乎滿足唔哂咁多人喇....XDDDDD
今餐晚飯, 連茶 ($8.00 一位) , 芥 ($12.00)
埋單都只係 $523.60
平均每人都只係105.00, 抵食!!!!!
张贴
